Transcription
1
Monsieur, je croy bien que n’attandés de moy, cependant que je suys
2
en ce lieu, novelles de Flandres ny de Castelneuf qu’on dit estre
3
pris par les Vénitiens. Je vous diray donc que despuys mon arrivée
4
les loups ont pris telle hardiesse sur les bones gens des champs
5
qu’ilz ont mangé troys filies d’unze à doze ans, l’une à
6
Saynct Geoyre, terre de monsieur le comte de Clermont, la seconde
7
à La Bastie Rectaing que j’ay vérifié en persone et visité le
8
lieu qui est sur la Corbière à demye lieu de ma mayson, et
9
la tierce à Miribel. L’on m’adiousta qu’ilz avoient la nuyt
10
fossoyé le cimitière de Chereyn et mangié ung corps y enterré.
11
A présent, maître Veran Paschal vichesteleyn dudit Saynct Geoyre
12
m’est venu trover exprès de la part de la communauté avec
13
une letre de monsieur d’Agnela, escript au sieur de Champier pour
14
me prier de vous advertir de telz désastres et vous
15
supplier comme je fais humblement de leur accorder une permission
16
de s’assembler avec toutes armes de feu et de traict et aultres
17
pour chasser d’eulx tel malheur. Je ne leur ay volu refuser
18
cest office et chose si pitoyable, bien leur ay-je dit que
19
peut estre ferés difficulté pour le regard des bastons à feu
20
et les ay asseurés, soubz la faveur qu’il vous plait me porter,
21
et l’équité de la cause que s’ilz vous en présentoient requeste,
22
leur y pourvoyrriés de remède convenable ; et si trovés bon,
23
monsieur, pour éviter tout abus, que ce soyt tousjours en l’assistance
24
d’ung chateleyn ou vichasteleyn, cela couvrira telles assemblées
25
que seroit d’alieurs restreyntes ausdites fins tant seulement
26
Monsieur, estant la présente exprès pour ce faict, je la finiray
27
par mes très humbles recommandations à votre bonne grâce et
28
prieray le Créateur vous doner en santé, heureuse et longue
29
vie. Dans vostre maysonete de Molardron, ce XVII de juliet
30
1572
31
Votre très humble et obéissant
32
serviteur
33
G deportes
34
Monsieur, s’il vous plait la présente
35
servira ausdits supplians d’information
36
pour ne retarder ceste entreprinse.
37
[v°] En faveur de ceulx de St Joyre pour le ravissement
38
qu’y font les loups.
39